www.colapisci.itL'uomo che diventa pesce per necessità o per scelta

A Biagio Marin

‘Desso che duto tase
tra i casini
no xe chi canti più
la To matina,
la vita che se movi
drio i barconi
drento le case
al porto
ogni matina.

Nessun che meti in bon
la robe vive;
la vita d’ognidun,
la sofferenza,
i stenti le fatiche…
no se pensa!…

Nessun scrive ninte
quatro note
par quii che canta
a Gorgo
o ai Confini

opur par quii che sgoba
a far le mote
a Sdoba
e a Mugelaria
o in batelina.

Le fele, el sol, la buora,
l’acqua granda
e piova
e gelo:
ninte!

Giorno e note,
‘desso che duto tase
tra i casini,
par de vertin un senso
de sbandono…

A sol calao Gravo
Se dislontana,
l’onda la vien.. la va!…
Mi, da reparo,
vego tremar le luse
de Barbana.

Depongo la luna
la sega un’ombra…
o forse’n’aparensa?
El vento tase…
Col so moto lento
mi sento l’onda

Portame el To ricordo.

 

Renato Appi

 


Sommario Amici Perduti

www.colapisci.it